LINGGO NG PALASPAS K

-

 


BAKIT NARITO ANG HARI NG LUWALHATI?

LK 19: 28-40

 


 

 

Hindi kakaiba sa Herusalem ang parada ng mga hari. Pumapasok talaga dito ang mga hari upang ipakita ang kanilang kadakilaan. Si David, bago pa naging hari, ay sinalubong na sa lungsod ng mga hiyaw, papuri at sayaw ng mga taong humahanga sa kanya. Tama lamang na ang mga kahalili ni David ay pumasok din sa Herusalem sa gitna ng ganitong pagpaparangal.

 

Ngayon, saksi tayo sa kakaibang parada… at sa kakaibang hari. Pumapasok si Hesus sa lungsod na walang taglay na kapangyarihan. Nalilibot, hindi ng mga sundalo, kundi ng mga simpleng tagasunod lamang. Nakasakay, hindi sa matikas na kabayo, kundi sa batang asno. Tinatanggap, hindi ng mga dugong bughaw, kundi ng hindi mapigilang madla na kinabibilangan ng mga bata, dukha, maysakit, kababaihan at iba pang mga tao na kinaiinisan ng mga Pariseo.

 

Pumapasok ang mga hari sa lungsod para angkinin ang trono at sakupin ang mga tao. Hinihingi nila ang katapatan at suporta ng mga ito. Nangangako sila ng proteksyon kung isusuko ang mga kalalakihan para maging mga sundalo. Magbibigay sila ng pagkain basta magbayad lamang ng buwis ang lahat. Handog nila ay kapayapaan subalit dapat sundin ang bawat isa nilang batas.

 

Pumapasok si Hesus sa lungsod hindi upang humingi kundi upang magbigay. Hindi upang mangako kundi magbigay katuparan. Hindi upang maupo sa trono kundi sa puso ng mga tao. Sa Herusalem, ipagdiriwang ni Hesus ang Hapunan na magiging tanda ng dakila niyang pagmamahal sa tanan. Doon isusuko niya ang sarili sa pagdakip, pagtakwil, pagparusa at pagpatay sa kanya. Sa labas ng lungsod, yayakapin niya ang pinakatatakutan ng lahat – pangungulila, kahihiyan, at kamatayan. Sa Kalbaryo, pakakawalan niya ang kapangyarihan ng kanyang pagmamahal!

 

Kay daming mga tao ngayon na naghihintay sa pagdadaan ni Hesus, sa tahimik at simple nilang buhay. Mga maysakit na ang hiling lamang ay hipuin sila ng mapagpagaling niyang mga kamay. Mga may taning ang buhay na ang dalangin ay kunin niya sila nang payapa at wala nang kirot pang madarama. Mga taong umaasa sa basbas ng Diyos sa kanilang mga pangarap, mga pamilya, trabaho o negosyo.

 

Ngayong mga Mahal na Araw, pumapasok si Hesus, hindi sa Herusalem, kundi sa ating puso. Ibigay natin sa kanya ang ating pansin at panahon. Isakripisyo natin kahit konting sandali upang masaksihan siyang dumarating na simple, mababang-loob at ganap ang pagmamahal. Nawa maging mabiyaya at makahulugan ang inyong mga Mahal na Araw.

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more