DAKILANG KAPISTAHAN NG PAG-AKYAT NI HESUS SA LANGIT K

-

 


HANDA NA KAYO!

LK. 24: 46-53

 




 

 

Kung isa kang unang alagad ng Panginoong Hesus, at nalaman mong nabuhay siyang muli, ano ang aasahan mo sa kanya? Na babalik siya sa Herusalem para magpakitang gilas, harapin ang kanyang mga kaaway at buuin muli ang kanyang grupo. Hindi malayong isipin mo na ngayon na ang panahon ng katuparan ng kanyang mga pangako at pagtatatag ng kanyang Kaharian sa lupa.

 

Subalit iba ang plano ng Panginoon. Bago pa man siya ipako, nasabi niyang babalik siya sa Ama. Ipinagdiinan niiyang hindi sa mundong ito ang kanyang kaharian. Ang pag-akyat niya sa langit ay bahagi ng plano niya matapos ang tagumpay ng kanyang misyon. Sa kanyang puso, tiwalang-tiwala siya sa kanyang mga alagad. Para sa kanya, handa na sila!

 

Handa na sila na maging kanyang Katawan. Ang mga alagad ay binubuo ng iba’t-ibang ugali, katayuan, kakayahan at pananaw. Hindi sila perpekto subalit kahit iba-iba, kaya na nilang magkaroon hindi lamang ng panlabas kundi ng tunay at spirituwal na pagkakaisa. Aalis si Hesus at hindi na muling makakapiling sa kanyang katawan pero ang mga alagad ang bagong Katawan niya sa lupa. Tiwala siyang magbubuo sila ng buhay na pamayanan ng pananampalataya.

 

Handa na silang tanggapin ang Espiritu Santo. Inihahanda na ni Hesus ang mga alagad sa pagtanggap ng dakilang Kaloob. Pangako niyang pag-alis niya, hahalili ang Espiritu ng Diyos at pupunuin sila ng kapangyarihan. Subalit dapat muna silang maghintay, manalangin at humingi sa Diyos ng Kaloob na ito at “sa mga susunod na araw, maba-baptize kayo ng Holy Spirit” (NT Pinoy version). Hindi pa alam ng mga alagad ang buong saysay nito pero tiwala si Hesus na kaya na nilang buksan ang puso para sa Espiritung magdudulot ng kagalakan, kapayapaan at katapangan.

 

Handa na sila sa misyon. Sa mga huling sandali, ayaw ni Hesus makitang kalat-kalat ang mga alagad. Sa unang pagbasa at sa gospel ngayon, bilin niya na manatili sila sa Herusalem. Pero ang Herusalem ay simula lang ng nakakakabang pakikibaka na magdadala sa kanila sa buong daigdig. Tunay na magiging “witness ko kayo sa Herusalem, sa buong Judea at Samaria, at sa lahat ng lugar sa mundo” (NT Pinoy version).

 

Bakit kailangan pang umalis si Hesus? Hindi dahil siniphayo niya ang mga nagtiwala sa kanya; hindi dahil tinakasan niya ang mga umasa sa kanya; hindi dahil humiwalay siya sa mga nagtalaga ng buhay sa kanya. Umakyat siya sa langit dahil nagtitiwala siyang lubos sa mga alagad, naniwala siya sa kanilang maturity, at pinalakas na niya sila na ipangaral ang mensahe ng kaligtasan at kagalakan ng Diyos. Salamat Panginoon sa tiwala mo sa amin. Ito ang inspirasyon namin na patuloy kang paglingkuran!

 

(photo: fr tam nguyen)

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more