DAKILANG KAPISTAHAN NG PAGKABUHAY K

-
-->
SUPER HERO O ACTION HERO?






Ano ang pagkakaiba ng super hero at action hero?  Pareho silang panalo, oo. Pero ang super hero ay panalo dahil hindi naman talaga siya nagagalusan dahil marami nga siyang powers. Walang kalaban ang kanyang katawan, maliban kung may isang pirasong cryptonite na dala ang kanyang kalaban.



Ang action hero ay panalo din, pero pagkatapos lamang na ang kanyang buong katawan ay maging bugbog, duguan, bali-bali dahil sa pahirap ng kaaway.  Kaya sa huli ng pelikula, ang action hero ay hindi makatayo at pikit ang isang mata. Pero ang kanyang kaluluwa ay mas matibay at malakas kaysa dati.



Sa Pagkabuhay, si Hesus ay hindi isang super hero. Hindi niya natalo ang mga kaaway dahil sa super power. Hindi din siya naligtas sa kamatayan. Hindi siya ngayon malinis na malinis at walang galos o dumi man lamang.



Si Hesus ang action hero ng ating pananampalataya. Tinalo niya ang kaaway pero matapos lamang na pulbusin siya ng mga ito.  Tunay siyang nagdugo, naghirap, nanghina at namatay.  Akala nila tapos na siya. Pero ngayon, buhay siyang muli!  At sa Pagkabuhay, naroon pa rin ang marka ng sakit, pahirap, at sugat.



Si Hesus ang Muling Nabuhay dahil siya ang Unang Nasugatan. Kung may mensahe man sa atin ang Pagkabuhay ito yun: kailangan tayong mamatay sa ating krus bago malasap ang Pagkabuhay mula sa libingan.



Parang isang flying trapeze sa circus. Lulundag muna siya mula sa napakataas na ere. Tapos bibitaw siya sa kinakapitang duyan. Tapos saka niya susunggaban ang isa pang duyan na magdadala sa kanya sa kabilang tuntungan sa ibabaw ng ere.  Nakakapanindig balahibo ito. Tiyak na kamatayan ang kapalit. Pero kung hindi gagawin, hindi ka makatatawid sa kabila.



Si Hesus ay hindi super hero. Kung ganun lang siya, hindi natin siya masusundan kasi hindi naman tayo si superman o si wonder woman. Si Hesus ang action hero ng pananampalataya!  Dumaan sa lahat ng paghihirap.  Isinuko ang lahat sa Ama. Nagtiwala sa kapangyarihan ng Espiritu Santo.  Kaya nagwagi at nagtagumpay sa lahat. Ito ay kaya din nating gawin at maranasan dahil dumadaloy sa atin ngayon ang kapangyarihan niyang taglay.



Isang Pinagpalang Muling Pagkabuhay ni Kristo!  Luwalhati at Papuri sa Iyo, Panginoon, bayani ng aming pananampalataya!






Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more