UNANG LINGGO NG KUWARESMA K

-


BAKIT PA KAILANGAN ANG PAG-AALAY?





Maraming hindi nakakaunawa kung bakit dapat mag-alay sa Panginoon. Kamakailan lang, nilibak ng isang pinuno ng bansa ang gawing pag-aalay sa simbahan at nagkalat pa ng alingasngas na baka ninanakaw lang ng mga pari ang mga alay. Tulad ng dati, nanahimik lang ang mga Katoliko natin habang walang galang na niyuyurakan ang kanilang pananampalataya. O baka kasi sila mismo ay hindi nakakaunawa kung bakit dapat mag-alay sa Diyos at sa pamayanan ng yaman, galing at panahon.



Sa ating pagsisimula ng Kuwaresma, nililinaw ng unang pagbasa mula sa Deuteronomio na ang alay, bagamat sariling kusa at galing sa puso dapat, ay isang bagay na inaasahan ng Panginoon sa ating kaugnayan sa kanya. Kapag tayo ay nag-alay, hindi ang Diyos ang nabibiyayaan. Ang tunay na gana ay sa atin, dahil naaalala natin kung sino tayo at kung ano ang ginagawa ng Panginoon para sa atin araw-araw.



Tuwing mag-aalay ka, kahit na pinakasimpleng handog, naaalala mo na ikaw ay mahalagang nilalang, paboritong anak, na inililigtas at iniingatan mula sa maraming mga pagsubok at paghihirap na dumarating sa ating buhay. Dahil ang Diyos ay mabuting loob sa atin, dapat lang tayong maging bukas-palad sa pagkilalala at pasasalamat. Tanungin mo nga ang sarili mo, kung kailan ka totoong pinabayaan ng Diyos?



Sa mabuting balita, ang paksa naman ay tukso. Tinukso si Hesus. Nakikipagbuno tayo araw-araw sa mga tuksong naglalayong dalhin tayo sa kasalanan at nang masira ang ating ugnayan sa Panginoon, sa kapwa-tao at maging sa ating sarili! Ang halimbawa ng Panginoon ay malinaw. Nilabanan niya bawat tukso sa simula nito. Hindi niya hinayaan pumasok ang mga ito sa puso at isip niya.



Sabi ni San Ignacio iyon ang tama. Kapag dumarating ang mga tukso, pigilin agad upang makita mo kung ano talaga ang anyo ng kaaway ng ating kaluluwa – isang mahinang manunukso na nagiging malakas lamang kapag hinahayaan natin siya.



Bakit hindi natin labanan ang mga tukso sa pamamagitan ng pag-aalay sa Diyos araw-araw? Paggising pa lang, ialay ang maghapon sa Panginoon. Sa buong araw, manatiling malapit sa kanya sa maiikling mga dasal at mga pagpapahayag ng tiwala. Sa mga panahon ng tukso, tumakbo sa paanan ng krus at ialay ang iyong hangarin na huwag kailanman mawalay sa kanyang pag-ibig. O Panginoon ko, pagkalooban mo po ako ng biyayang malupig ang mga tukso ng aking buhay sa tulong ng pag-aalay at sakripisyo ko para sa iyo!


-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more