IKALAWANG LINGGO NG KUWARESMA B

-

 

HANDANG MAMATAY, HANDANG MABUHAY

 

 


 

Ano ang ginagawa ni Hesus sa bundok? Simple: naghahanda para sa kamatayan. Sa pagbabagong-anyo, dalawang tao mula sa nakaraan ang lumitaw kasama ng Panginoon: si Moises at si Elias. Siyempre si Moises ang kinatawan ng Batas ng Israel; ang tagapagbigay ng utos mula Sinai. Si Elias naman ang kinatawan ng mga propetang isinugo ng Diyos. Ang Batas ay tumutukoy sa Mesiyas bilang kabuuan nito. Ang mga propeta din ay nakaturo sa Mesiyas bilang kaganapan ng lahat ng mga mensahe ng Diyos.

 

Nakikipag-usap si Moises at si Elias kay Hesus. Tinatalakay nila kung paano magaganap ang batas at ang mga pahayag ng mga propeta. At magaganap lamang ito sa pamamagitan ng Krus. Kailangan ni Hesus na dumanas ng sakit at paghihirap upang magampanan ang kanyang misyon. Pero hindi dito nagtatapos. Pinag-uusapan din nila ang Pagkabuhay. Pagkatapos ng krus, darating ang pagkabuhay. Matapos ang paghihirap, nariyan ang luwalhati! Ang Pagbabagong-anyo ni Hesus, ang himalang ito, ang tanda ng kapangyarihan ng Pagkabuhay.

 

Bakit nasa bundok din ang mga alagad? Isinama sila ng Panginoong Hesus doon sa pareho ding dahilan. Habang nasaksihan nila ang himala, sila din ay inihanda sa kamatayan. Hindi sila ang Mesiyas, kundi tagasunod lang. Kung ang Panginoon ay maghihirap, ang mga alagad din ay dadanas ng parehong karanasan. Walang makatatakas sa krus.

 

Subalit ang mga alagad ay inihahanda din sa luwalhati, sa Pagkabuhay. Kung maghihirap sila, matatandaan nilang hindi ito ang dulo. Kapag naging tapat sila sa pagdurusa kasama si Hesus, sila rin ay titikim ng Pagkabuhay. Ang luwalhating pangako ni Hesus sa kanila ay isang layunin na aabutin nila, isang gantimpala na dapat nilang mapagwagian.

 

Sa buhay natin di ba ang dami ding mga pagsubok at problema? Araw-araw nakaharap tayo sa kamatayan sa iba’t-ibang anyo: kanser, diabetes, problema sa asawa, sa anak, sa siyota, sa trabaho o sa paaralan o pabigat na dala ng ibang tao. Kailangan natin maunawaan bakit ito nangyayari at bakit kailangang harapin at hindi ito takbuhan, sa tulong ng Panginoon at sa bisa ng kanyang awa.

 

Habang dumadaan tayo sa mga hirap ng buhay, humugot tayo ng inspirasyon sa Panginoon at sa mga alagad na tapat na nagdusa. Tandaan din nating hindi kamatayan o paghihirap ang dulo ng ating kasaysayan kundi ang Pagkabuhay. Darating din ito, kung kakapit tayo sa Panginoon!

 

paki-share sa kaibigan... ang image sa itaas, salamat sa internet!

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more